أول تعليق من يارا تامر طليقة المطرب مسلم: “هعلمكم الأدب واحد واحد وهحبسكم “
خرجت يارا تامر، طليقة مطرب المهرجانات مسلم، عن صمتها لترد للمرة الأولى على ما وصفته بتدخل أشقاءه في حياتهما الزوجية، مؤكدة أنهم السبب الرئيسي وراء الانفصال، حتى بعد الأزمة الصحية التي مر بها مؤخرًا.
وقالت يارا خلال بث مباشر عبر حسابها، إنها حررت محضرًا رسميًا ضد شقيقة مسلم، بعد اتهامها لها بالسب والقذف والتشهير، إلى جانب نشر صور شخصية لها عبر موقع “إنستجرام”، اعتراضًا على زواجها من مسلم.
وأضافت يارا :“اللي كان بيحوشني عنكم مبقاش جوزي، أنا هعلمكم الأدب واحد واحد على اللي انتوا بتعملوه فيا، وحقي هاخده بالقانون.. انتوا اتكلمتوا في عرضي وشرفي”.
تابعت: “أنتوا متعرفوش حياة مسلم.. أنا اللي عشت معاه وشفت هو اتظلم منكم إزاي.. لما اتطرد من البيت وهو أقل من 20 سنة، راح اتجوز واحدة أكبر منه، علشان تقعده عندها في البيت، ومضته وصلات أمانة وكانت هتحبسه.. كل ده بسببكم”.
وبكت يارا وهي تتحدث عن حالته الصحية الأخيرة: “الله يسامحكم.. أخوكم لو عنده تعب نفسي فهو منكم.. الله يسامحكم.. كنا بنحب بعض وحياتنا كانت كويسة لا خانني ولا ضايقني.. وانتوا ولا عمركم سألتوا عنه.. وهو في المستشفى محدش فيكم شافه، وكان قاعد مستنيكم تيجوا وانتوا عارفين مكانه.. مسلم كان عنده انسداد في شريان القلب وانتوا ولا كأنكم عارفين”.
