بسمة بوسيل: أنا وتامر طلاقنا حضاري وهو أب مثالي وبيعشق أولاده
كتبت/ نوران عسكورة
كشفت الفنانة بسمة بوسيل عن علاقتها بالفنان تامر حسني بعد طلاقهما خاصة أنهم يظهرون معًا كثيرًا مما يجعل البعض يتحدث عن عودتهما.
قالت بسمة بوسيل أنها وتامر حسني طلاقهما كان حضاريًا ويحافظان على علاقتهما من أجل أولادهما معلقة: “المناسبات وأول يوم في رمضان دا يوم كبير عندنا لازم نتجمع وولادنا يحسوا بالدفا، حتى لو اطلقنا إحنا لسه بنحافظ على أولادنا هما ملهمش ذنب في اختياراتنا، أهم حاجة عندنا الصحة النفسية بتاعة ولادنا إحنا مش بنمثل إحنا عيلة متجمعين”.
أضافت بسمة: “رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا ربنا كتب علينا ده بس في نفس الوقت مش عايزين نخلي أولادنا ضحية”.
تابعت بوسيل: “أنا وتامر بنحافظ على أن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي مش أم كويسة، بصراحة تامر سباق أكتر مني وأنا محظوظة هو أب مثالي وبيعشق أولاده”.
