آيه سماحة: كلية الطب البيطري جامعة القاهرة بتعذب الحيوانات
كتبت/ مي السايح
استغاثت الفنانة آية سماحة بالمسؤولين عن جامعة القاهرة، وذلك بسبب الصور التي رأتها عن كلية الطب البيطري والتي تقوم بتعذيب الحيوانات.
كتبت آية سماحة عبر حسابها الرسمي على الفيسبوك: “كلية طب بطري جامعة القاهرة بتغذب الحيوانات، والصور بشعة انا مش قادرة انزلها
مين مسؤول عن العنف و التعذيب دة! حرام عليكم !!!!”.
وقام أحد المتابعين بتبريرفعل التعذيب قائلاً : “فيه كلاب وحيوانات تانية بتتاخد الكلية عشان يتعمل عليها الشغل العملي وبتاخد قبلها المهدئات أو المخدر المطلوب عشان يقدر الطالب يشتغل عليها وفي نفس الوقت الحيوان ميحسش بألم ايه اللي يعيب في الصورة؟”.
وتابع: “والطلبة اللي بتشهد ب كده دول بيبقوا متضايقين من نظام الكلية أو صعوبتها وصعوبة الدكاترة ف بيطلعوا غضبهم في اتجاه تاني
لكن معتقدش إن فيه كلية بدكاترة (وخصوصا بيطريين) اللي هم أساسا مسئولين عن علاج ومداواة الحيوانات هيبقوا هم اللي بيعذبوهم!!! ده كلية طب بيطري جامعة القاهرة بالذات فيها المستشفى البيطري اللي بتعالج وبتعمل عمليات للحيوانات بسعر رمزي!!! هيعذبوا الحيوانات؟”.
لترد سماحة : “دي مدبحة و متبررش المنظر البشع ! مهدئات ايه انت مش شايف المنظر اظن الناس هي المحتاجة المهدئات عشان يهدوا شوية و يكون في شوية رحمة!”.
وفي سياق آخر، كان آخر أعمال الفنانة آية سماحة مسلسل “عمر أفندي”، الذي قدمت من خلاله دور راقصة، وهو بطولة أحمد حاتم، رانيا يوسف، آية سماحة، مصطفى أبو سريع، محمد رضوان، ميمي جمال، ومحمود حافظ، ميران عبد الوارث، إسماعيل فرغلي، والمسلسل من تأليف مصطفى حمدي، وإخراج عبد الرحمن أبو غزالة.
