خطيب ياسمين فتاة الشرقية: “أبوها كان بيحبها.. وحاول ينتحر بعد الحادث”
قال خطيب ياسمين فتاة الشرقية، الواقعة التي أثارت جدلا واسعا على مواقع التواصل الاجتماعي، : مكنش فيه خلافات بيني وبينها في اي حاجة ومكنتش مغصوبة عليا زي ما الناس بتقول.. وكنت بحبها وهي بتحبني.. وكنت متصور معاها قبل الحادث ب٣ ايام.. ورفضت تديني الصور وقالت هجبهم معايا في الجهاز للشقة.
ونفى خطيب فتاة الشرقية، ما تم تداوله بأنه السبب في ضربها من والدها، قائلا: عمرها ما اشتكت من ابوها ليا ودي ساعة شيطان.. وقولت لأبوها أنا مش عاوزها تمشي مع البنت دي.. ومعرفش إن دا السبب للي حصل.
وعن تفاصيل وفاتها، قال خطيبها: ابوها بيحاسبها خبطها خبطة غصب عنه جت غلط.. ليه يطلعوه مجرم وقاتل.. أبوها حاول يموت نفسه بعد اللي حصل وهي كانت أقرب حد لأبوها.
واختتم حديثه قائلا: بطالب ببراءة أبوها وبلاش الناس تقول فيه حاجة مش فيه.. لأنهم كانوا بيحبوا بعض وارتبطت بيها لأنها سند لأبوها وبتساعده في شغله.
