رحمة حسن تكشف تطورات أزمتها مع العيادة المتسببة في تساقط شعرها: “مش هسامحهم ولا هقبل اعتذارهم”

كشفت الفنانة رحمة حسن عن تطورات جديدة في أزمتها الأخيرة، التي أثارت جدلاً واسعًا بعد إعلانها عن تعرضها لتساقط شديد في شعرها نتيجة خطأ طبي داخل إحدى العيادات التجميلية.

وكتبت رحمة عبر حسابها الرسمي على موقع “إنستغرام”، أن العيادة تواصلت معها بعد انتشار منشورها السابق، موضحة:

“العيادة اتواصلت معايا امبارح بعد ما نزلت البوست، وأنا رديت عادي لأني شخص كويس ومحترم، وقالولي آسفين إن ده حصل وعايزينك تيجي العيادة وهنكلمك بكرة، بس حسيت إنه كلام علشان مشتكيش”.

وأوضحت الفنانة أنها سبق وتواصلت مع العيادة قبل فترة قصيرة من الواقعة، ولكن لم تتلق أي رد جاد منهم، قائلة:

“قالولي ليه مقولتيش قبل؟ قلتلهم إني بعت بعدها بأقل من شهر، وقلتوا هتكلموني لكن محدش كلمني أو اهتم”.

وأكدت رحمة حسن أنها لن تتعامل مجددًا مع هذه الجهة، مشيرة إلى غياب الضمير المهني في الواقعة، وأضافت:

“الحقيقة إني عمري ما كنت هتعامل معاهم تاني، لأنهم معندهمش ضمير مهني، وأتمنى إن اللي حصللي ميحصلش لحد تاني”.

وفي ختام رسالتها، وجهت رحمة رسالة لجمهورها والمتابعين، موضحة أسباب عدم ردها على وسائل الإعلام، حيث قالت:

“بعتذر إني مش برد على صحافة أو قنوات، ده مش جديد عليا، أنا ديما مش برد من زمان… المشاركة هنا نابعة من إحساس بالمسئولية وتوعية الناس، وبالنسبة للعيادة، أنا مش مسمحاهم ولا هسامحهم، لا هما ولا الدكتورة المسؤولة، واعتذارهم مش هيرجع شعري تاني في يوم وليلة”