الحجاب مش مجرد لبس.. أسما شريف منير تعلن ارتداء الحجاب وتعلق: “قرار من القلب وراحة متتوصفش”
أعلنت الفنانة والإعلامية أسما شريف منير ارتداء الحجاب، عبر منشور مؤثر شاركته مع جمهورها، أكدت فيه أن هذه الخطوة لم تكن مجرد تغيير في المظهر، وإنما قرار نابع من القلب، وعهد بينها وبين الله.
وكتبت أسما: “الحمد لله مكنش عندي غير طرحة واحدة بس يليق بالخطوة دي، بس كنت حاسة من جوايا إنها الخطوة الصح. الحجاب مش مجرد لبس، ده قرار من القلب وعهد بيني وبين ربنا، وراحة متتوصفش”.
يُذكر أن أسما شريف منير كانت قد أعلنت أيضًا زواجها في منشور آخر، أوضحت خلاله أن القرار جاء بعد رحلة طويلة من التأمل وفهم احتياجاتها، مؤكدة أنها كانت دائمًا تدعو الله أن يرزقها بالزوج الصالح.
وقالت: “الحمد لله اتجوزت، وده قرار جه بعد فترة طويلة من رحلة عشتها مع نفسي. فهمت إيه المهم وإيه اللي مش مهم، وكنت بدعي ربنا يختار لي وما يخيرنيش”.
وكشفت عن يقينها بتحقق هذه الأمنية حتى قبل التعرف على زوجها، موضحة: “كنت قايلة إني هتجوز يوم 25-5-5، وقلت للناس كلها إن ده يوم فرحي، رغم إنه مكنش فيه حد في حياتي وقتها!”
وعن زوجها أحمد، قالت: “اللي شدني فيه إنه قريب من ربنا، وعارف مسؤولياته، وجواه إيمان.. ده شخص تقدر تثق فيه وتحس إنك تقدر تبني معاه حياة”.
واختتمت منشورها بدعاء: “يا رب يبقى خير، لحد ما أموت يبقى هو في”.
