دعيت على أمي إنها تموت.. تصريحات نارية من اسما شريف منير

حلّت أسما شريف منير ضيفة على بودكاست “يمنى النهارده”، وتحدثت خلاله بصراحة عن حياتها قبل ارتداء الحجاب، كما روت كواليس وفاة والدتها ومعاناتها مع المرض.

قالت أسما: “قابلت ناس شايفين إن الشرب مش حرام، وكانوا مقتنعين بكده، لكن كنت دايمًا بسأل نفسي: هو ربنا قالك اشرب؟ ولا الشيطان اللي بيغريك؟ لما تكون محتار لازم تفرّق بين صوت ربنا وصوت الشيطان”.

وأضافت: “جربت كل حاجة، سافرت وسهرت وعشت بدون قيود، لكن عمري ما ارتحت، كنت دايمًا حاسة إني بعصي ربنا”.

وتحدثت بأسى عن وفاة والدتها قائلة: “دعيت على أمي تموت علشان ترتاح، لأنها كانت بتتعذّب بالكانسر، وماتت قبل عيد ميلادي بيوم واحد، والناس كانت بتعيد عليّ وبعدها يعزّوني، وكانت أصعب لحظة في حياتي لما شوفتها قبل الوفاة بيوم، كنت حاسة إنها بتودعني، وحسيت بذنب كبير بعدها”.

وكانت أسما قد شاركت مؤخرًا متابعيها على “إنستجرام” تجربة ارتدائها الحجاب، مؤكدة أن الحجاب بالنسبة لها “ستر وكرامة وأمان”، وقالت: “ربنا أمرني أغطي نفسي مش علشان يضيّق عليّا، لكن علشان يكرّمني ويحفظ قلبي قبل جسمي”.