منى زكي: فصلت بين الشغل وبيتي أثناء تصوير أحمد حلمي في «الست»
تحدثت الفنانة منى زكي عن كواليس مشاركة النجمين أحمد حلمي وكريم عبدالعزيز في فيلم «الست»، وذلك خلال لقائها مع برنامج ET بالعربي.
وأوضحت منى زكي أن اختيار النجوم المشاركين في العمل لم يكن من اختصاصها، قائلة: «اختيار النجوم مالِيش دخل فيه، ده اختيار المخرج مروان حامد، لكن انبسطت جدًا، واليوم اللي أحمد حلمي جه صوّر فيه كان يوم لطيف، ومحسّتش إطلاقًا إنه جوزي، لأني من بداية التحضير وأنا بفصل بين الشغل وبيتي».
وعن مشاركة كريم عبدالعزيز في الفيلم، قالت منى زكي تعليقًا على تجسيده لشخصية شريف صبري باشا المرتبطة عاطفيًا بأم كلثوم:
«كريم أخويا وبحب أمثل معاه جدًا، وما بينا كيميا جميلة قوي على الشاشة».
كما كشفت منى زكي عن تفاصيل التحضير لشخصية كوكب الشرق أم كلثوم، والصعوبات التي واجهتها خلال فترة الإعداد، قائلة: «كنت بحاول أركز على إحساس كل مرحلة عمرية مرت بيها أم كلثوم، وكنت حريصة إني أطلع الشخصية بروحها مش تقليد، وكنت باخد تدريبات في الإلقاء عشان أتكلم بطبقة صوت مختلفة عن صوتي في كل مرحلة، لأن الصوت بيتغير مع العمر».
وأضافت: «خضعت لدروس تمثيل ومشاعر، وخلال سنة و3 شهور من التحضير كانت بتيجي عليا لحظات إحباط، وكنت أقول لمروان حامد إني مش هقدر أكمل، لكنه كان دايمًا يقولي إن اللي بنعمله خطوات صغيرة ومع الوقت كل حاجة هتتظبط».
