معرفش البنات بتحبني ليه.. أحمد عز يكشف عن أسرار حياته خلال بودكاست بيج تايم

كتبت/ مي السايح

حلّ الفنان أحمد عز ضيفا، في بودكاست بيج تايم، والذي يقدمه الإعلامي “عمرو أديب”، والفنانة أصالة، كشف خلال الحلقة العديد من أسرار حياته ونجاحه في منهته، بداية مشواره الفني.

قال انه لا يعلم سر حب البنات الشديد له وعلق : “والله معرفش البنات بتحبني ليه، وحب الناس ده لو دفعت فيه ملايين وطلعت تعيط على السوشيال ميديا وتقول أنا بحبكم وأنا شقيان، مستحيل، أنا أبسط وأخيب في التعامل مما تتخيل”.

كما تحدث عن مرض والدته بالسرطان، وأصابته بالإكتئاب، وقال : “أنا عندي فوبيا المرض لأن أمي الله يرحمها ماتت وقبل ما تموت كنت عارف هي عندها إيه ومقولتش لأبويا وإخواتي وده كان طلبها”.

تابع عز: “أمي كانت مدورة البيت عادي كانت بتروح تاخد الكيماوي من غير ما حد يعرف وترجع تطبخ في البيت عادي، وأنا كنت أقرب واحد ليها وقعدت شوفت مراحل دي وبعدها جالي اكتئاب”.

كما صرح عن بداية مشواره، أنه كان يبدأ ادواره بما يريده الناس، وتابع: “موضوع إن أنا كنت مستحلي نفسي عمل لي عطلة في بدايتي، وبقيت أعمل الحاجة اللي شبه الناس”.

عمل عز في بداية حياته كموظف استقبال في فندق، وكان راتبه 7500 جنيها عام 1995، وتابع : “أبويا مكنش شايفني هبقى ممثل لأنه كان شغال في البترول وفكر أني هكمل في الكارير ده، وأنا بدأت حياتي كريسبشسنت في فندق موفمبيق الهرم لمدة سنة، وبعدين نقلوني مبيعات”.