كشف الإعلامي محمود سعد عن تطورات الحالة الصحية للنجمة أنغام، موضحاً في منشور عبر حسابه على “فيسبوك” أنها لا تزال تعاني من آلام شديدة رغم تحسن بعض نتائج التحاليل الطبية.
وقال سعد: “كل جمهور أنغام اللي بيسألوا عليها طول الوقت.. كان في اتصال من دقائق علشان اتطمن على صحتها.. حتى هذه اللحظة أنغام بتعاني من ألم شديد جداً”.
وتابع : “كانت بدأت تاكل من أيام لكن دلوقتي في تراجع بسبب الألم.. تحاليلها فيها أرقام كويسة الحمد لله وأرقام تانية لسه مش مظبوطة، وعلشان كده يمكن يعملوا تدخل غير جراحي الفترة اللي جاية.. مفيش أي كلام حاليا على موعد خروج من المستشفى.. دعواتكم ربنا يخفف عنها الألم ويتم شفاؤها وترجع بألف سلامة إن شاء الله”.
يُذكر أن أنغام كانت قد خضعت خلال الأسابيع الماضية لعملية جراحية عاجلة في ألمانيا لاستئصال جزء من البنكرياس، بعد جراحة سابقة لإزالة كيس في المنطقة نفسها، إثر أزمة صحية ألمّت بها مؤخراً.
