انت ال جيبته لنفسك.. مصطفى قمر يعلق على انتقادات طارق الشناوي

كتبت/ مي السايح

رد الفنان مصطفى قمر على انتقادات التي وجهت لفيلمه الأخير “أولاد حريم كريم”، حيث علق على صفحته الرسمية من خلال منشور له على الإنستجرام.

كتب معلقاً” هو انا مش طلبت منك تبعد عني اصلا ومتتكلمش على أعمالي، عشان متتهزأش”.

وتابع “عمومًا ياللي اسمك طارق انت اللي جيبته لنفسك، كاتب كلام أهبل يدل للمرة المليون إنك ماشفتش الفيلم، وعموما اللي حيرد عليك السينما، اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كدة شغلتك ايه؟”.على صعيد آخر، انتقد الناقد طارق الشناوي، فيلم أولاد حريم كريم، الذي يعرض حالياً في السينمات.

صرح الشناوي خلال لقاء تلفزيوني، وقال معلقاً” فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم”.

وأضاف: “الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا، عشان مش هتقبل تكون موجودة نصف بطلة أو خُمس بطلة.. مشكلة مصطفى قمر إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب”.

يعرض فيلم أولاد حريم كريم حاليا بالسينمات، وذلك بعد مرور 18 عاما على عرض الجزء الأول من الفيلم الذي تم طرحه عام 2005، وإيراداته تخطت 3 ملايين و500 ألف جنيه حتى الآن.