أي حاجة بتبقى عندك لما بتكوني ما عندكيش ولد بتبقى مشاع.. ميمي جمال تكشف سبب كتابة ممتلكاتها لابنتيها

كشفت الفنانة ميمي جمال عن اتخاذها قرارًا بكتابة جميع ممتلكاتها لابنتيها نورة ونجلة، موضحة أن عدم إنجابها ولدًا كان أحد الأسباب التي دفعتها إلى اتخاذ هذه الخطوة.

وقالت ميمي جمال، خلال لقائها في برنامج «الستات» عبر قناة «النهار»: «عملت كده عشان ما عنديش ولد.. أي حاجة بتبقى عندك لما بتكوني ما عندكيش ولد بتبقى مشاع».

وأضافت أن ابنتيها هما أغلى ما تملك، وأنها ترى أن سنوات التعب والعمل التي قضتها من أجلهما يجب أن يستفيدا منها، قائلة: «هما دلوقتي البنتين اللي حلتي من الدنيا.. كل تعبي وشقايا لعمر ده كله هل هاخده معايا؟.. محدش بياخد حاجة معاه».

وأوضحت ميمي جمال أنها تفضل أن تستفيد ابنتاها من ممتلكاتها وهي على قيد الحياة، بدلًا من انتظار ما سيحدث بعد وفاتها، قائلة: «على الأقل ولادي يتمتعوا باللي أنا عايزة أدهولهم بدل ما أدهولهم بعد ما ربنا يفتكرني».

ميمي جمال عن أزمة رشوان توفيق وابنته

وتطرقت الفنانة إلى النزاع القضائي الذي جمع الفنان رشوان توفيق بابنته، معربة عن رفضها لفكرة مطالبة الأبناء بحقوقهم في ممتلكات والديهم خلال حياتهم.

وقالت: «لا لا.. ده حرام.. إزاي الأولاد ما يحسوش بتعب أبوهم وأمهم العمر ده كله.. وبعد ما يكبر ييجي زي ما حصل مع حبيبنا الأستاذ رشوان توفيق يطالبوا بحقهم.. أنا زعلانة عشانه قوي.. ربنا يديه الصحة».

وتابعت: «إنت مين عشان تعملي كده؟ لحد دلوقتي ما شوفتش شقى أبوك وتعبه ده كله.. وجاية النهاردة تتكلمي في حقك؟».

وأكدت ميمي جمال أنها ترى أن الإنسان من حقه التصرف في ممتلكاته خلال حياته وفقًا لما يراه مناسبًا، قائلة: «أنا من حقي إني أدي ميراثي للي أنا عايزاه.. وأنا لسه عايشة ما متش».

واختتمت حديثها بالتأكيد على قوة علاقتها بابنتيها، مشيرة إلى أن التربية السليمة تجعل الأبناء يردون الجميل لوالديهم، ولا يكون المال هو محور علاقتهم بهم