دنيا سامي تكشف حقيقة الحالة الصحية لرحمة أحمد ورسالة مؤثرة من نجلها بالمستشفى| فيديو

كشفت الفنانة دنيا سامي عن تفاصيل الحالة الصحية للفنانة رحمة أحمد، بعد تعرضها لوعكة صحية مفاجئة نُقلت على إثرها إلى أحد المستشفيات بالقاهرة، حيث وُضعت تحت الملاحظة الطبية لتلقي الرعاية اللازمة.

https://www.instagram.com/reel/DPBtLwpjCo0/?igsh=dWR2MDRmbWljcjNu

وقالت دنيا سامي في تصريحاتها: “بعد الشر عنها في كل اللي بيتقال.. رحمة معندهاش تضخم في الكبد ولا الكلى ولا أي حاجة من الكلام ده، هي عندها التهابات في جسمها والكلى، وعندها حساسية من حاجات كتير بس ميبانش عليها”.

وأضافت: “هي كانت بتعمل تيست للدواء اللي هتاخده وجالها عدوى من التيست، والحمد لله دلوقتي أحسن.. رحمة جميلة ومحبوبة وكل الناس بتحبها واتخضوا عليها وراحولها المستشفى، وإن شاء الله ربنا يقومها بالسلامة”.

وفي خضم حالة القلق على صحة رحمة أحمد، شاركت الفنانة جمهورها عبر خاصية الاستوري على حسابها الرسمي بـ “إنستجرام” صورة لرسالة كتبها لها نجلها داخل المستشفى، جاء فيها: “حمدلله على السلامة يا ماما يا حبيبتنا.. يلا عشان ترجعي البيت بسرعة.. جبنا ليكي ورد”.