شادي شامل يهدد المسيئين إليه باللجوء للقضاء: «كل واحد هيتطاول هترفع عليه قضية»
خرج الفنان شادي شامل عن صمته، معربًا عن استيائه من التعليقات المسيئة التي يتلقاها عبر مواقع التواصل الاجتماعي، مؤكدًا أنه لن يتهاون مع أي تجاوز لفظي بحقه، وأنه سيتخذ إجراءات قانونية ضد أصحاب هذه التعليقات.
وشارك شادي شامل منشورًا عبر حسابه الرسمي على «فيسبوك»، تحدث خلاله عن تعرضه للسباب والإساءة من أشخاص لا يعرفهم، موضحًا أن الأمر تكرر على مدار سنوات، وأنه قرر وضع حد لهذه التجاوزات.
وقال شادي شامل: “اني اوصل للغضب اللي أنا فيه ده مش من فراغ، لأن حقيقي طفح الكيل و استحملت سفالة ناس اللي هي فعلا ملهاش أي مبرر ، فا لازم كل واحد من هذه العينة تديلوا فوق دماغه و تعرفه قيمته، و كل اللي يعرفني علي المستوي الشخصي يعرف اني ابسط وأجدع واحد في الدنيا مع الناس المحترمه المتربيه أشيلهم فوق راسي من فوق ، انت بقي مش متربي مش هسكتلك و هتعامل معاك من فوق و مش هسيب حقي و اعمل فيها كيوت”.
وأضاف: “تخيل انك تتشتم كل يوم و بدون سبب يارتني مثلا اذيت حد ، لا دي ناس بتشتم بدون سابق معرفه و استحملت عشرات السنين، أنا نفسي ببقي حزين لما بشوف تعليقات وسخة، يعني مثلا ناس بتشتم قيمه و قامه زي عمرو دياب بيتشم ب اوسخ الألفاظ و ده راجل اسعد ملايين علي مدار ٤٠ سنة، ليه الاختلاف في الرأي ما يكونش ب احترام و ادب ليه الالفاظ الوسخة”.
وأكد شادي شامل أنه سيلجأ إلى القضاء ضد أي شخص يتجاوز بحقه، موضحًا: “و نصيحه لأي حد ما حدش يسكت عن حقه، لانك لما تسكت الناس بتزيد فيها، و دي عينة من الناس المريضة الحاقدة، و من هنا و رايح كل واحد هيتطاول هيترفع عليه قضية رد اعتبار وأحبسك وتعويض مادي يبيع اهله اللي وراه و اللي قدامه قدامه عشان يكون عبره للأخرين، و ده اول واحد هيترفع عليه قضية”.
شادي شامل يتحدث عن عائلته
وفي منشور آخر، تطرق شادي شامل إلى خلفيته العائلية، وذلك في إطار رده على بعض الانتقادات التي وجهت إليه، مؤكدًا أن عائلته تنتمي إلى طبقة اجتماعية ميسورة، وأنه تلقى تعليمه في مدارس وجامعات جيدة.
وقال: “ما هو يا جدعان طبيعي لما يبقي جدي سكرتير الريس و رئيس الديوان و أنور السادات عندنا في البيت بيشرب الشربات و شاهد علي عقد جواز والدي و الدتي وأهلي كلهم من ناحيه الوالد و الولده مناصب في الدوله لازم يكون في بعض الناس بتحقد عليا طبقيا”.
وتابع: “مش ذنبي ان عيلتي عيله أرستقراطية و اني ابن ناس و اتعلمت، فا احسن المدارس و الجامعات و اهلي ربوني علي الشياكه و الرقي”.
واختتم حديثه بالتأكيد على أن قيمة الإنسان لا ترتبط بثرائه أو مستواه التعليمي، قائلًا: “صدقني او صدقيني مش عيب انك تبقي فقير او مش متعلم العيب انك تكون مش متربي و اهلك معلمكش انك تكون راضي بما قسم الله لك”
